हेटौंडा, माबाईल एशोसिएसन अफ नेपाल (म्यान मकवानपुर) ले नजिकिँदै गरेको चाडपर्वलाई लक्षित गरी विभिन्न प्याकेज ल्याएको छ ।
ADVERTISEMENT
म्यान मकवानपुरले नेपालीहरुको महान पर्व विजयादशमी, शुभ दीपावली तथा छठ पर्वलाई लक्षित गर्दै विभिन्न प्याकेज ल्याएको हो । म्यान मकवानपुरले सो बारेमा मंगलबार पत्रकार सम्मेलनमार्फत जानकारी गराएको हो ।
उपहार योजना कार्यक्रमका संयोजक एवम् म्यान मकवानपुरका वरिष्ठ उपाध्यक्ष हरिप्रसाद न्यौपानेले यस वर्ष मोबाईल खरिद तथा मोबाईल मर्मत गर्दा मोबाईल पसलबाट ग्राहकलाई कुपन प्रदान गरिने जानकारी दिए ।
‘हामीले १२ लाख २३ हजार पाँच रुपैयाँ बराबरको पुरस्कारहरु प्रदान गर्दैछौं, संयोजक न्यौपानेले पत्रकार सम्मेलनमा भने ।
उनले असोज १ गत अर्थात आजैका दिनबाट उपहार योजना कार्यक्रम सुरुवात भएको घोषणा गर्दै ग्राहकहरुले अबदेखी मोबाईल खरिद तथा मर्मत गर्दा एउटा कुपन लिन आग्रह गरे ।
उपहारहरु ५ सय ३४ जनालाई प्रदान गरिने उनको भनाई छ । उनले बम्पर पुरस्कार १ जनालाई स्कुटर प्रदान गर्ने र एक जनालाई थाईल्याण्ड टुर प्याकेजको समेत व्यवस्था गरिएको बताए ।
पुरस्कारहरु इनफिनिक्स जिरो फोन एक जनालाई, नेकव्याण्ड २ सय ५ जनालाई, स्मार्ट वाच ५० जनालाई, हेडफोन ४० जनालाई, छाता ३० जनालाई, एमआई इयरफोन ५० जनालाई, इयरवड्स १ सय ५ जनालाई, किप्याड फोन २० जनालाई, स्टाइलाइजर ५ जनालाई, वानप्लस व्याण्ड १५ जनालाई र स्मार्ट फोन ११ जनालाई प्रदान गरिने संयोजक न्यौपानेले बताए ।
