असार १ गते हेटौंडामा साङ्गीतिक साँझ कार्यक्रम हुने

हेटौंडा असार १ गते हेटौंडामा राष्ट्रिय कलाकारको साथमा साङ्गितीक साँझ र गीतको भिडियो सार्वजानिक हुने भएको छ । हेटौंडा बजार लायन्स क्लबद्वारा साङ्गीतीक साँझ र राष्ट्रिय भावनाले ओतप्रोत भएको राष्ट्रिय गीतको म्युजिक भिडियो सार्वजनिक गरिने क्लबका अध्यक्ष लक्ष्मण कंडेलले बताए ।

विहीबार पत्रकार सम्मेलन गर्दै साङ्गीतीक साँझ बारे जानकारी गराइएको थियो । कार्यक्रममा गायक सुमीत खड्का, लोकदोहोरी गायिका प्रतिमा अर्याल सहित स्थानीय कलाकारहरुको साथमा साङ्गीतिक कार्यक्रम रहेको कंडेलले बताए ।

क्लबका पूर्व अध्यक्ष साहित्यकार माधव बहादुर पोख्रेलको शब्द, शक्ति बल्लभको संगीत र सुमीत खड्काको स्वर रहेको राष्ट्रिय गीतको भिडियो मकवानपुरको गढी दरबार, पुष्पलाल पार्क लगायत विभिन्न पर्यटकीय स्थानहरुमा छायाकंन गरिएको अध्यक्ष कंडेलले बताए । साङ्गीतिक साँझको लागि एक हजार रुपैयाँको टिकट शुल्क राखिएको र कार्यक्रम पपसा सदनमा हुने जनाइएको छ ।