सुपथ पसलमा नुन छ, चिनी छैन

हेटौंंडा,विगत वर्षझैँ यसवर्ष पनि साल्ट ट्रेडिङ कर्पोरेशन हेटौंडा शाखाले चाडपर्वलाई लक्षित गरी कार्यालयबाट सुपथ पसल सञ्चालन ल्याएको छ ।

असोज २१ गतेबाट सञ्चालन भई मंसिर ४ गतेसम्म सुपथ पसल सञ्चालन हुने कार्यालयका प्रमुख मोहनप्रसाद बरालले जानकारी दिए ।

‘सुपथ पसलमा नुन छ । तर चिनी छैन,’ बरालले भने, ‘चाडपर्वलाई लक्षित गरी नुनमा प्रति प्याकेट २ रुपैयाँ छुट दिएका छाँै । एकजना ग्राहकलाई ६ केजीसम्म नुन प्रदान गर्नेछाँै ।’

बजारमा नुन प्रति प्याकेट २० रुपैयाँ रहेको छ । चाडपर्वमा सरकारले चिनी उपलब्ध गराउन सकेको छैन । हामीले कसरी प्रदान गर्न सक्छौं भन्दै उनले प्रश्न गरे ।

सत्मार्ग अनलाइन२०८० आश्विन २८, आईतवार ०२:२५

Less than a minute