हेटौंडा, कक्षा १२ को परीक्षामा मनहरी गाउँपालिका वडा नं १ का वडाध्यक्ष शिवप्रसाद खनाल पनि उत्तीर्ण भएका छन् । ५२ वर्षको उमेरमा कक्षा १२ को परीक्षा दिएका वडाअध्यक्ष खनाल पनि उत्तीर्ण भएका हुन् ।
ADVERTISEMENT
पढाइलाई उमेरले छेक्दैन भन्ने उदाहरणलाई स्थापित गर्दै उनले जीवनको यो उमेरमा पढाइलाई निरन्तरता दिएका थिए । आफ्नो छोराछोरीको उमेरका बालबालिकाहरुसँगै पठनपाठन गर्दै उनी कक्षा १२ को परीक्षामा सहभागी थिए । उनले २.४१ जीपीए प्राप्त गरेका छन् ।
यसभन्दा अगिल्लो वर्ष कक्षा ११ को परीक्षामा पनि २.५३ जीपीए प्राप्त गरी उनी उत्तीर्ण भएका थिए । ‘कम्तीमा १२ पास गरौँ भन्ने सोचले ११ मा भर्ना भएको थिएँ, एउटा अठोट पूरा भएको छ’, उनले भने,‘अब पढाइलाई निरन्तरता दिने कि नदिने भन्ने विषयमा परिवारसंग सल्लाहकार गर्न बाँकी रहेको छ ।’
