नवोदय विद्यालयमा ‘द आर्ट अफ लिभिङ्ग’ कार्यक्रम सुरु

हेटौंडा, जीवन जिउने कला सिकाउने ‘द आर्ट अफ लिभिङ’ हेटौंडासँग समन्वय गरी नवोदय शिशु सदन अङ्ग्रेजी माध्यमिक विद्यालयमा ४ दिने लिभिङ ह्यापिनेश कार्यक्रम सञ्चालन भएको छ । कार्यक्रममा विद्यालयका शिक्षक, कर्मचारीलगायत ५६ जनाको सहभागिता रहेको थियो ।

सहभागीहरूलाई वीरगञ्जबाट आउनु भएका प्रशिक्षक चन्देश्वर सिंहले प्रशिक्षण दिनु भएको थियो । पहिलो दिनमा उहाँले श्वास प्रश्वास प्रक्रियाद्वारा ध्यान सुदर्शन क्रिया सम्बन्धी प्रशिक्षण दिनु भएको थियो । उहाँले स्वस्थ्य मन, तनाव मुक्त शरिर तथा ध्यानमा एकाग्रता ल्याउन गर्नुपर्ने विधिहरु बारेसमेत जानकारी गराउनु भएको थियो ।

मानिसहरु सरल सहज भएर बाँच्नका लागि ध्यान योग गर्दा शारीरिक, मानसिक रुपमा नै राम्रो हुने आर्ट अफ लिभिङ्का कोर्ष गरेका व्यक्तिहरू बताउछन् । कार्तिक १० गतेसम्म कार्यक्रम सञ्चालन हुने विद्यालयले जनाएको छ ।