बिनयबाबु भलिबल प्रतियोगिता: सेमिफाइनल समिकरण पूरा

हेटौंडा, सातौं बिनयबाबु बस्नेत स्मृति जिल्ला स्तरिय रनिङ शिल्ड भलिबल प्रतियोगिताको सेमिफाइनल समीकरण पूरा भएको छ।

प्रतियोगिताको सेमिफाइनलमा बिनयबाबु स्मृति प्रतिष्ठान, मंगलेश्वर युवा क्लब,मनहरी र कैलाश ५ सेमिफाइनलमा पुगेको प्रतियोगिताको संयोजक शंकर कार्कीले जानकारी दिए।
हिजोको भएको पहिलो क्वाटर फाईनल खेलमा आयोजक बिनयबाबुले थाहा ५ खेलकुद लाई भएको २-१ को सेटले पराजित गर्दै सेमिफाइनल प्रवेश गरेको थियो भने दोस्रो क्वटर फाईनल खेलमा मंगलेश्वर ले हेडौटा १९ लाई २-० सोझो सेटमा पराजित गर्यो, तेस्रो क्वाटरफाईनलमा मनहरी ले योङस्टार लाई २-१ ले पराजित गर्यो भने अन्तिम क्वाटरफाईनलमा ड्रीम्स क्लबलाई कैलास ५ ले २-० को सेटमा पराजित गरेको थियो।
आज बिहान पहिलो सेमीफाईनल आयोजक ए को बिरुध शसक्त युवा क्लव कैलाश बिहन ८ बजे दोस्रो सेमिफाईनल मंगलेश्वर को बिरुध मनहरी गांउपालिकाबिच हुने आयोजकले जनाएको छ।आजै समापन खेल दिनको २ बजे प्रमुख अतिथि थाहा नगरको मेयर बिष्णु बिष्टको आतिथ्यतामा हुने आयोजकले जनाएको छ।

प्रतियोगितामा प्रथम हुने टिमलाई ५५ हजार ५ सय ५५ रुपियाँ, द्वितीय टिमलाई २८ हजार ८ सय ८ रुपियाँ र तृतीय हुने टिमले ११ हजार१ सय ११ रुपैयाँ विजयी टिमहरुलाई शिल्ड, मेडल र प्रमाणपत्रको साथै बिधागत तर्फ उत्कृष्ट हुने खेलाडिलाइ नगद सहित पुरस्कारको व्यवस्था गरिएको छ ।