हेटौंडा, पालुङ जेसीजको सप्ताहव्यापी कार्यक्रम अन्तर्गत भएको मैत्रीपूर्ण फुटबल खेलमा आयोजक पालुङ जेसीज विजयी भएको छ ।
आज भएको खेलमा बैंक तथा वित्तिय संस्थालाई २–१ को गोल अन्तरले हराउँदै आयोजक फाइनल प्रवेश गरेको हो । यसैगरी आज भएको अर्को खेलमा थाहा नगरपालिका कार्यालयले मालपोत लेखापढीलाई २–० को गोल अन्तरले पराजित गर्दै थाहा नगरपालिका फाइनल प्रवेश गरेको छ ।
प्रतियोगिताको फाइनल खेल शनिबार हुने पालुङ जेसीजका अध्यक्ष निरज रायमाझीले जानकारी दिए । पालुङ जेसीजको सम्मान तथा समापन कार्यक्रम शनिबार आयोजना गरी सप्ताहव्यापी कार्यक्रम समापन हुनेछ ।
