रिकभरिङमा एक महिने पेन्टिङ तालिम

हेटौंडा, हेटौंडा ५ मा रहेको मकवानपुर रिकभरिङ समूहका युवाहरुका लागि एक महिने पेन्टिङ तालिमको आयोजना गरिएको छ । हेटौंडा उपमहानगरपालिका मेयर मिनाकुमारी लामाले कार्यक्रम उद्घाटन गरेकी हुन्।

समूहका उपाध्यक्ष शिवनारायण श्रेष्ठको अध्यक्षतामा भएको कार्यक्रममा हेटौंडा उपमहानगरपालिका ५ नम्वर वडाध्यक्ष सुशिल घिमिरे, गैरसरकारी संस्था महासंघ मकवानपुर अध्यक्ष रमिला सापकोटा, नेपाल मानव अधिकार संगठन जिल्ला अध्यक्ष सर्मिला श्रेष्ठलगायतको आतिथ्यता रहेको थियो ।

रिकभरिङ समूहका महासचिव सन्दिप शाक्यले काम र सीप नभएका कारण परिवारमा पुनस्र्थापना भएपश्चात फेरि दुव्र्यसनमै फस्ने गरेको जानकारी दिँदै यस्ता तालिम जीवनउपयोगी हुने विश्वास व्यक्त गरे । लागूऔषधको प्रयोगलाई छुटाउन सुधार केन्द्रमा रहेकाहरु परिवारमा पुर्नस्थापित भएपश्चात आयआर्जन र काममा जोडिन मद्दत पु¥याउने उद्देश्यसहित तालिमको आयोजना गरिएको महासचिव शाक्यले जानकारी दिए । अघिल्लो पटक भएको तालिमकै सहभागी बुद्ध लामाले यो पटक ३० जनालाई पेन्टिङ सिकाउने छन् ।