हेटौडा, नेकपा (मओवादी केन्द्र) निकट संगठन अखिल नेपाल खेलकुद महासंघ मकवानपुरको अध्यक्षमा पुष्पराज पुडासैनी चयन भएका छन् ।
ADVERTISEMENT
शनिबार हेटौंडामा सम्पन्न दोस्रो सम्मेलनले पुडासैनीको अध्यक्षतामा ३१ सदस्य जिल्ला समिति चयन गरेको छ ।
समितिको उपाध्यक्षमा मानसिं दोङ, शोभा घिमिरे, सचिबमा उमेश पुलामी मगर, सहसचिबमा जयबहादुर थोकर, आकाश थिङ र कोषाध्यक्षमा बिक्रम योन्जन चयन भएका छन् ।
ADVERTISEMENT
यस्तै समितिका सदस्यहरुमा बिष्वनाथ रायमाझी, बिरु लामा, रोजिना स्याङतान, अशोक थिङ, अमृत बिक, पूर्ण माझी लगायत चयन भएका छन् ।
२०६२ सालमा गणतान्त्रिक खेलकुद महासंघको स्थापना भएको संगठनको नाम परिवर्तन भएपछि२०७९ सालमा प्रथम सम्मेलन भएको थियो ।
महासंघ मकवानपुरको अध्यक्ष भोजराज पराजुलीको अध्यक्षतामा भएको सम्मेलनको उद्घाटन नेकपा (माओवादी केन्द्र) केन्द्रिय सदस्य एवम् मकवानपुर इन्चार्ज बिजय गौतमले गरेका थिए ।
कार्यक्रममा अखिल नेपाल खेलकुद महासंघका सहअध्यक्ष जनक बर्तौला, केन्द्रिय सदस्य एवम् मकवानपुर इन्चार्ज माधब कोइराला, नेकपा (माओवादी केन्द्र) केन्द्रिय सदस्य प्रह्लाद लामिछाने, बागमती प्रदेश उपाध्यक्ष प्रेमबहादुर पुलामी, प्रदेश सचिवालय सदस्य शुभरत्न गोले, जिल्ला संयोजक भिम पाख्रीन, सचिब बीरबहादुर घलान ‘ज्वाला’ अखिल क्रान्तिकारी मकवानपुर अध्यक्ष बुद्धराज अर्याल, वाईसीएल जिल्ला अध्यक्ष बीरबहादुर थिङ ‘मुक्ती’ लगायतको आतिथ्यता रहेको थियो ।
