हेटौंडा, हेटौंडा–८ का वडा अध्यक्ष राम थापाले देउसीभैलो खेल्ने नाममा मादक पदार्थ तथा जाँडरक्सी सेवन गरी सार्वजनिक सम्पत्तिमा तोडफोड गर्ने गतिविधिप्रति आपत्ति जनाएका छन्।
ADVERTISEMENT
सामाजिक सञ्जाल फेसबुकमार्फत आफ्नो धारणा सार्वजनिक गर्दै थापाले सडक सुरक्षाका लागि राखिएका ऐना लगायतका संरचना भत्काउने र बिगार्ने कार्य निन्दनीय तथा गैरजिम्मेवारपूर्ण भएको बताएका छन्।
सार्वजनिक सम्पत्ति कुनै व्यक्ति वा निकायको मात्र नभई सबै नागरिकको साझा सम्पत्ति भएको उल्लेख गर्दै उनले त्यसमा हुने क्षतिको पूर्ति राज्यको स्रोत र नागरिकले तिरेको करबाट गर्नुपर्ने अवस्था आउने बताएका छन्।
यस्ता गतिविधिमा संलग्न हुने व्यक्तिलाई लक्षित गर्दै उनले भगवान्सँग हातमा स्याउँस्याउँती किरै परून् भनी प्रार्थना गरेको समेत उल्लेख गरेका छन्।
ADVERTISEMENT
