साउन २४ गते जिल्लास्तरीय वक्तृत्वकला प्रतियोगिता हुने

हेटौंडा, हेटौंडा–२ मा रहेको नमूना प्रगति बचत तथा ऋण सहकारी संस्था लिमिटेडको आयोजनामा जिल्लास्तरीय वक्तृत्वकला प्रतियोगिता हुने भएको छ ।

कक्षा ९ देखि १२ सम्म अध्ययनरत विद्यार्थीलाई लक्षित गरी साउन २४ गते जिल्ला स्तरीय वक्तृत्वकला प्रतियोगिता आयोजना गर्न लागिएको सहकारीको व्यवस्थापक बद्रीप्रसाद भण्डारीले जानकारी दिए । साहित्य सङ्गम मकवानपुरको व्यवस्थापनमा हुन लागेको प्रतियोगिताको शिर्षक आर्थिक समृद्धिमा सहकारीको भूमिका विषयक रहेको छ ।

प्रतियोगितामा प्रथम, द्वितीय, तृतीय र सान्त्वना हुनेलाई क्रमशः नगद ५ हजार, ३ हजार, २ हजार र १ हजार रुपैयाँ प्रदान गरिने छ । प्रतियोगिताको लागि नाम दर्ता गराउने अन्तिम मिति साउन २२ गते रहेको आयोजकले जनाएको छ ।