हेटौंडा, साहित्य सङ्गम मकवानपुरको आयोजनामा शनिबार ३२७ औँ नियमित साहित्य सन्ध्या सम्पन्न भएको छ । सङ्गमले कवि चन्द्र गुरुङको कवि सङ्ग्रह ‘जब एउटा मान्छे हराउँछ’ को विमर्श तथा कविता वाचन कार्यक्रम शनिबार हेटौंडामा भएको छ ।
साहित्य सङ्गम मकवानपुरको अध्यक्ष अनिता न्यौपानेको अध्यक्षतामा भएको कार्यक्रममा अग्रज साहित्यकार तुल्सी थापाको प्रमुख आतिथ्यता रहेको थियो ।
ADVERTISEMENT
साहित्य सङ्गम मकवानपुरका उपाध्यक्ष सानु खनालले कवि चन्द्र गुरुङको परिचय प्रस्तुत गरेका थिए । जब एउटा मान्छे हराउँछ कवि चन्द्र गुरुङको दोस्रो कविता सङ्ग्रह हो । सर्जक सञ्जाल मकवानपुरका संयोजक निमेष निखिलले गुरुको कवि सङ्ग्रह माथी विमर्श गर्दै गुरुङका कविता सरल शब्द शैलीको भए पनि त्यसले दिने भाव गहिरो हुने गरेको बताए । कार्यक्रममा कवि चन्द्र गुरुङले पाँच वटा कविता वाचन गरेका थिए ।
कार्यक्रममा साहित्यकार मनोज पोखरेल, किसन पौडेल, भवानी तिमल्सिना, सुनिल गौतम र कुवेर पराजुलीले कविता वाचन गरेका थिए । ३२७ औँ नियमित साहित्य सन्ध्यामा खेम बानियाँ स्मृति विशेष पनि भएको थियो । नाटककार उज्जवल शर्मा भण्डारीले खेम बानियाँको स्मरण गराएका थिए ।
ADVERTISEMENT
