साईकल रनमा प्रतियोगितामा पुजन मगर प्रथम

हेटौडा उपमहानगरपालिकाको आयोजना एबं नगर खेलकुद बिकाश समितिको ब्यबस्थापनमा शनिबार हेटौंडामा भएको २५ किलोमिटर साईकल रन प्रतियोगितामा पुजन मगर प्रथम भएका छन् ।

प्रतियोगितामा उनले ३८ मिनेट १९.३७ सेकेन्डमा २५ किलोमिटर दुरी पार गर्दै नगद ५० हजार सहित प्रमाणपत्र शिल्ड प्राप्त गरेका थिए । यस्तैै प्रतियोगितामा आशिष थापा मगर द्वितीय भएका छन् । उनले ३८ मिनेट १९.७७ सेकेन्डमा दुरी पार गर्दै नगद ३० हजार संगै शिल्ड प्रमाणपत्र प्राप्त गरेका थिए । प्रतियोगीतामा सुमन आलेमगर तृतीय भएका थिए । उनले ३९ मिनेट ३८.२३ सेकेन्डमा दुरी पार गर्दै नगद २० हजार संगै प्रमाण पत्र शिल्ड प्राप्त गरेका थिए । प्रदिप थापा क्षेत्री चौथो र निशान श्रेष्ठ सान्त्वना भएका थिए ।

उनीहरुले दश/दश हजार तथा शिल्ड र प्रमाण प्रत्र प्राप्त गरेका थिए । प्रतियोगितामा हेटौडा उपमहानगरपालिकाका मेयर मीनाकुमारी लामाले विजेताहरुलाई पुरस्कार प्रदान गदै साईकल रनले खेल क्षेत्रलाई टेवा पुग्ने बताइन् ।