हेटौंडा, मकवानपुरको भीमफेदीमा मोटरसाइकल दुर्घटना हुँदा दुईजनाको मृत्यु भएको छ ।हेटौंडा–भीमफेदी–काठमाडौं सडकखण्ड अन्तर्गत भीमफेदी गाउँपालिका–६ जुरिखेतमा भएको मोटरसाइकल दुर्घटनामा दुईजनाको मृत्यु भएको हो । बुधबार साँझ काठमाडौंबाट हेटौंडातर्फ आउँदै गरेको बागमती प्रदेश ०२ ०२० प ४२३७ नम्बरको मोटरसाइकल दुर्घटना भएको हो ।
ADVERTISEMENT
दुर्घटनामा मोटरसाइकल चालक बारा जिल्लाको पर्सौनी नगरपालिका–५ का २५ वर्षीय लालबाबु सहनी मलाहा र मोटरसाइकलको पछाडि रहेका सोही स्थानका २० वर्षीय गोरख भन्ने रवीन्द्र मण्डलको मृत्यु भएको हो ।
दुर्घटनामा घाइते भएका मोटरसाइकल चालक मलाहाको हेटौँडा अस्पतालमा उपचारका क्रममा र पछाडि रहेका मण्डलको घटनास्थलमै मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक टेकबहादुर कार्कीले जानकारी दिए । मृतक दुवैजनाको शव हेटौंडा अस्पतालमा राखिएको जिल्ला प्रहरी कार्यालय मकवानपुरले जनाएको छ ।
