हेटौंडा, ५ साउन÷बसामाडी जेसीजको जेसीज सप्ताह यही साउन ८ गतबोट हुने भएको छ । विहीबार हेटौंडामा पत्रकार सम्मेलन गर्दै साउन ८ गतेदेखि १४ गतेसम्म जेसीज सप्ताह अन्तर्गत विविध कार्यक्रमको आयोजना गर्ने जानकारी दिइएको हो । हरेक वर्ष जेसीजले मनाउँदै आएको जेसीज सप्ताहलाई यसवर्ष पनि निरन्तरता दिन लागिएको बसामाडी जेसीजका कार्यकारिणी उपाध्यक्ष तथा मूल कार्यक्रम संयोजक सुरज डंगोलले बताए ।
ADVERTISEMENT
सप्ताहव्यापी कार्यक्रम अन्तर्गत साउन ८ गते समुद्घाटन तथा हेटौंडा २ मा रहेको बनस्खण्डी मन्दिरमा सहयोग र दीप प्रज्वलन, ९ गते हेटौंडा २ मा रहेको हाम्रो घरमा जेसीजको सहयोगी हात कार्यक्रम, १० गते अन्तर जेसीज फुटबल, ११ गते हेटौंडा ७ मा रहेको आशा स्कुलमा जेसीज युवा, १२ गते भीमफेदीमा रहेको बाल मन्दिरमा बाल बालिकासंग जेसीज युवा कार्यक्रम रहेको छ । त्यस्तै १३ गते बसामाडीमा रहेको महेन्द्र किरण माविमा लागूऔषध दुव्र्यवसन विरुद्धको सचेतना कार्यक्रम तथा होडिङ बोर्ड स्थापना कार्यक्रम र १४ गते जेसीज सप्ताह समापन र पुरस्कार वितरण कार्यक्रम रहेको संयोजक डंगोलले बताए ।
बसामाडी जेसीजको अध्यक्ष चिराग अग्रवालको अध्यक्षतामा भएको पत्रकार सम्मेलनमा पूर्व अध्यक्ष विष्णुहरि पण्डित लगायतको उपस्थिति रहेको थियो । अध्यक्ष अग्रवालले सप्ताहव्यापी कार्यक्रममा गत वर्ष भन्दा केही फरक कार्यक्रम हुने बताए । अग्रवालले भने ‘सप्ताहव्यापी कार्यक्रमका सबै संयोजकहरुले कार्यक्रम कसरी सञ्चालन गर्ने भनेर सिक्ने अवसरको रुपमा रहेको हुन्छ ।’
