हेटौंडा, ललितपुरको बागमती गाउँपालिकाबाट तीन वटा चोरीको मोटरसाइकल सहित मकवानपुरका एक युवक पक्राउ परेका छन् । पक्राउ पर्नेमा मकवानपुरगढी गाउँपालिका वडा नं. १ गणेशमान घलान रहेका छन् ।
ADVERTISEMENT
गोदावरी नगरपालिकाबाट विभिन्न मितिमा चोरी भएको बागमती प्रदेश ०२–०३१ प २२८४ र बा.९५प ६०७० नम्बरको २२० सिसि र बागमती प्रदेश–०२–०२६ प ५३७१ नम्बरको १५०सिसिको तीन वटा पल्सरसहित घलानलाई पक्राउ गरिएको जिल्ला प्रहरी परिसर, ललितपुरले जनाएको छ । मोटरसाइकल चोरी भएको भएको सुचना पाएपछि जिल्ला प्रहरी परिसर, ललितपुरले जिल्ला बाहिरिने नाकामा चेकजाँच कडा बनाएको थियो ।
कान्तिलोकपथ सडकखण्ड अन्तर्गत बागमति गाउँपालिका–३ छपेली चेकप्वाईन्ट सवारी साधन चेकजाँच गर्ने क्रममा चापागाउँबाट बगुवातर्फ आउँदै गरेको तीन मध्ये दुई वटा मोटरसाइकल भागेको थियो भने घलानलाई नियन्त्रणमा लिएको थियो । पिच्छा गर्दै जाने क्रममा बगुवास्थित कान्तिलोकपथबाट चाबी सहितको दुई वटा मोटरसाइकल बरामद गरी अनुसन्धान सुरु गर्दा बागमती प्रदेश ०२–०३१ प २२८४ नम्बरको मोटरसाइकलको नम्बरे प्लेट परिवर्तन गरि बाग्मती प्रदेश ०३–००५प ६१८७ बनाएर चलाएको समेत पाईएको प्रहरीले जनाएको छ ।
बागमती प्रदेश ०२–०२६ प ५३७१ नम्बरको मोटरसाइकल फर्काएर चापागाउँतर्फ भाग्ने क्रममा लडेर चोट लागे घलान पाटन अस्पतालमा एक हप्ताको उपचारपछि सोमबार नियन्त्रणमा लिएर अनुसन्धान सुरु गरिएको प्रहरीले जनाएको छ । बागमती प्रदेश ०२–०२६ प ५३७१ नम्बरको मोटरसाइकल फर्काएर चापागाउँतर्फ भाग्ने क्रममा लडेर चोट लागेका घलानको पाटन अस्पतालमा एक हप्ताको उपचारपछि डिस्चार्ज भएका छन् । उनलाई सोमबार प्रहरी कार्यालयमा ल्याएर अनुसन्धान सुरु गरिएको जनाएको छ ।
