शिक्षाका लागि राष्ट्रिय अभियान बागमती प्रदेशमा पुनः प्रकाश खतिवडा

हेटौँडा, शिक्षाका लागि राष्ट्रिय अभियान बागमती प्रदेश समितिको अध्यक्षमा पुनः मकवानपुरका प्रकाश खतिवडा चयन भएका छन् । अभियानको साधारण सभाबाट खतिवडाकै नेतृत्वमा नयाँ कार्य समिति चयन गरेको हो ।

समितिको उपाध्यक्षमा धादिङका दिलबहादुर रम्तेल, सचिव चितवनका रामचन्द्र आचार्य, कोषाध्यक्ष चितवनकै अनिता नेपाली तथा सदस्यमा मकवानपुरकी कुमारी वाइबा र बुद्धबीर लामा, दोलखाका लक्ष्मी थापा, काठमाडौंका भक्त भ्लोन र सिन्धुपाल्चोकका शोभा आचार्य रहेका छन् ।