हेटौंडा, हेटौंडा १ मा रहेको अमर माध्यमिक विद्यालयले आयोजना गरेको वक्तृत्वकला प्रतियोगितामा उत्कृष्ट भएका विद्यार्थीलाई पुस्तक उपहार प्रदान गरेको छ ।
ADVERTISEMENT
व्यक्तित्व विकासमा विद्यालयको भूमिका विषयक वक्तृत्वकला प्रतियोगितामा कक्षा ९ ए मा अध्ययनरत करुणा श्रेष्ठ प्रथम, शुभम जिशी द्वितीय, विकल्प अर्याल तृतीय र सविना थिङ तृतीय हुन सफल भए । यसैगरी कक्षा ९ बी मा भएको प्रतियोगितामा आशिष भण्डारी प्रथम, प्रशंसा सिकारी द्वितीय, युदीप तितुङ तृतीय, विपिशा सुवेदी र प्रवेश हटुवाल सान्त्वना हुन सफल भए ।
विद्यालयकी प्रधानाध्यापक मालती उप्रेतीले उत्कृष्ट विद्यार्थीलाई पुरस्कारस्वरुप निबन्ध र कविता कृतिसँगै प्रमाणपत्र वितरण गरेकी थिइन् । शुक्रबार भएको प्रतियोगिताका उत्कृष्ट विद्यार्थीलाई आइतबार पुरस्कृत गरेको हो ।
