नारायणको नेतृत्वमा मातृभूमि सहकारी संस्था

हेटौंडा, मातृभूमि बचत तथा ऋण सहकारी संस्था लिमिटेड हेटौंडाको अध्यक्षमा नारायण लम्साल चयन भएका छन् । शनिबार भएको संस्थाको दशैँ वार्षिक साधारणसभाबाट लम्सालको अध्यक्षतामा नयाँ सञ्चालक समिति बनेको हो ।

ADVERTISEMENT

संस्थाको उपाध्यक्षमा रामहरी तिमल्सिना, सचिवमा घनश्याम नेपाल, कोषाध्यक्षमा इन्दीरा न्यौपाने, सहसचिव गोविन्द सुवेदी चयन भएका छन् । यसैगरी सदस्यमा कालु घलान, सरस्वती दहाल, भिमकुमारी न्यौपाने, पवित्रा अर्याल, राजेन्द्र श्रेष्ठ चयन भएका छन् ।

संस्थाको लेखा समिति संयोजकमा हेमन्तराज कोइराला र सदस्यमा मंगलप्रसाद बानियाँ र नवराज घलान चयन भएका छन् । संस्थाका अध्यक्ष बिनोदचन्द्र कोइरालाको अध्यक्षतामा भएको कार्यक्रममा हेटौंडा उपमहानगरपालिका उपप्रमुख राजेश बानियाँको प्रमुख आतिथ्यता रहेको थियो । कार्यक्रममा उत्कृष्ट बचतकता, उत्कृष्ट ऋणीलाई सम्मान गरेको थियो । ६ सय ८१ शेयर सदस्य आबद्ध रहेको सहकारीको शेयर पूँजी साढे ३ करोड रुपैयाँ रहेको छ ।