हेटौंडा, खेलकुुद विकास समिति हेटौंडा १७ को आयोजनामा सोमबारबाट हेटौंडा १७ लक्ष्मीपुरमा प्रथम वडा अध्यक्ष कप नकआउट रनिङशिल्ड फुटबल प्रतियोगिता सुरु भएको छ । खेलकुद विकास समितिका संयोजक कृष्ण बहादुर अधिकारीको अध्यक्षतामा भएको कार्यक्रममा हेटौंडा उपमहानगरपालिकाका उपमेयर राजेश बानियाँको प्रमुख आतिथ्यतामा कार्यक्रम भएको हो ।
ADVERTISEMENT
कार्यक्रममा प्रमुख अतिथि बानियाँले लक्ष्मीपुरमा रहेको खेल मैदानलाई सुविधासम्पन्न प्याराफिट सहितको खेल मैदान बनाउन उपमहानगरपालिकाले सहयोग गर्ने बताए । वडा स्तरमा हुने प्रतियोगिताहरुले खेलाडी उत्पादनमा समेत सहयोग पु¥याउन सक्ने उनले बताए । कार्यक्रममा हेटौंडा १७ का वडा अध्यक्ष उद्धव सत्यालले वडाभित्र रहेका टोल विकास संस्थाहरुको सहभागिता रहने गरी कार्यक्रमको आयोजना गरिएको बताए । वडाभित्र रहेका खेलाडीहरुलाई छनौट गर्ने उदेश्यले फुटबल प्रतियोगिताको आयोजना गरिएको उनले बताए ।
आगामी दिनमा पनि यो प्रतियोगिताले निरन्तरता पाउने र वडाको वार्षिक क्यालेण्डरमानै समावेश गर्ने उनले बताए । सोमबार भएको उद्घाटन खेलमा हटियाचोक टोल विकास संस्था विजयी भएको छ । पञ्चकन्या टोल विकास संस्थालाई ४–१ को गोलअन्तरले पराजित गर्दै हटियाचोकले जीत निकालेको हो ।
प्रतियोगिताको म्यान अफ द म्याच पञ्चकन्याका राजेश राई बने । उद्घाटन कार्यक्रममा हेटौंडा १७ का वडा सदस्य नवराज न्यौपाने, १६ का वडा सदस्य गुरु प्रसाद ढकाल, जिल्ला फुटबल संघका अध्यक्ष टिकाराम लामा, टोल विकास संस्थाका प्रतिनिधिहरुको आतिथ्यता रहेको थियो ।
