हेटौंडा, हेटौंडा- १० मा रहेको सोलिड्यारिटी इन्टरनेशनल एकेडेमी विद्यालयले आफ्नो स्थापना दिवसको अवसरमा पुस मसान्तसम्म प्ले ग्रुप र नर्सरी कक्षामा निशुल्क भर्ना व्यवस्था गरेको छ । विगत तीन वर्षदेखि शुरु भएको यो अभियान यस वर्ष पनि कायमै रहेको विद्यालयको प्रिन्सिपल रीना आचार्यले जानकारी दिइन् । विद्यालयले विहीबार ३१ औँ स्थापना दिवस मनाइएको छ ।
‘पुस १९ गतेदेखि पुस २९ गतेसम्म प्ले ग्रुप र नर्सरीमा भर्ना गर्नुभएका विद्यार्थीलाई निःशुल्क व्यवस्था गरेका छौँ ।’ विद्यालयका प्रिन्सिपल आचार्यले भनिन् –‘विद्यालयको स्थापना दिवसको अवसरमा निःशुल्क भर्ना अभियान सञ्चालन गरेका हौँ ।’ गत वर्ष प्ले ग्रुप र नर्सरीमा ५० जना विद्यार्थीले निःशुल्क भर्ना गरेको विद्यालयले जनाएको छ ।
गतवर्षबाट सोलिड्यारिटी इन्टरनेशनल विद्यालयले कक्षा ११ र १२ मा वाणिज्य संकाय र होटल म्यानेजमेन्ट संकायमा अध्यापन गर्दै आइरहेको छ । विद्यालयमा करिव १ हजार ६ सय विद्यार्थी अध्ययनरत रहेको विद्यालयकी प्रिसिन्पल आचार्यले जानकारी दिइन् ।
