श्रीकृष्ण प्रणामी युवापरिषदको रक्तदान कार्यक्रम

हेटौंडा, श्रीकृष्ण प्रणामी युवापरिषद जिल्ला समिति मकवानपुरकोे आयोजनामा मंगलबार भएको रक्तदान कार्यक्रममा २२ जनाले रक्तदान गरेका छन् ।

श्रीकृष्णा प्रणामी युवापरिषद नेपालको ३४ औं स्थापना दिवसको अवसरमा रक्तदान कार्यक्रम आयोजना गरेकोहो ।
कार्यक्रम रेडक्रस सोसाइटी मकवानपुरको प्राविधिक सहयोगमा भएको हो । युवापरिषद मकवानपुरका अध्यक्ष शिब प्रसाद खतिवडा(राजु)को सभापतित्वमा भएको कार्यक्रममा हेटौँडा उपमहानगरपालिकाका उपमेयर राजेश बानियाँको प्रमुख आतित्थ्यता रहेको थियो ।

कार्यक्रमका प्रमुख अतिथि बानियाँले परिषदले आफ्नो स्थानपना दिवसको सन्दर्भमा जिवन उपायोगि रक्तदान कार्यक्रम गरेर प्रशंसा योग्य काम गरेको बताए । परिषदका जिल्ला सदस्य अजय सापकोटाको संयोजकत्वमा भएको रक्तदान कार्यक्रममा हेटौँडा १६ का वडा अध्यक्ष रामकृष्ण कोइराला, १७ का वडा अध्यक्ष उदब सत्याल, श्रीकृष्ण प्रणामी सेवा समिति नेपालका उपाध्यक्ष रामकृष्ण तिवारी, श्रीकृष्ण प्रणामी युवा परिषदका पुर्ब केन्द्रीय अध्यक्ष रामप्रसाद शर्मा, केन्द्रीय सदस्य अर्जुन प्रसाद वाग्लेलगायतको आतिथ्यता रहेको थियो ।