महोत्सवमा श्रेष्ठको लघुकथा ‘व्यथाभित्रको कथा’ विमोचन र पौडेलको लघुकथा लोकार्पण

पोखरा, नेपाल भारत साहित्य महोत्सवको पाँचौं संस्करण पोखरामा आयोजित तीन दिवसीय कार्यक्रममा हेटौडाका लघुकथाकार श्यामप्रसाद श्रेष्ठको लघुकथा कृति ‘व्यथाभित्रको कथा’ को पुस्तक विमोचन भएको छ ।

ADVERTISEMENT

हेटौडाका लघुकथाकार किशन पौडेलको हिन्दी अनूदित लघुकथा कृति ‘अन्तर्दृष्टि’ लघुकथा सङ्ग्रहको औपचारिक लोकार्पण र समीक्षा समेत गरिएको थियो। गण्डकी प्रज्ञा प्रतिष्ठानका अध्यक्ष पदमराज ढकालको प्रमुख आतिथ्यतामा सञ्चालित कार्यक्रममा विशिष्ट अतिथिको रूपमा वीरगन्जका वरिष्ठ साहित्यकार गणेशप्रसाद लाठ, भारतीय दूतावासका अधिकारी सत्येन्द्र दहिया,नेपाल नाट्य तथा सङ्गीत प्रतिष्ठानको पूर्व उपकुलपति सरुभक्त श्रेष्ठ, बर्दघाट प्रज्ञा प्रतिष्ठानको उपकुलपति डा घनश्याम परिश्रमी,भारत पटनाको वरिष्ठ लघुकथाकार विभा रानी साथै अन्य विशिष्ट व्यक्तिहरूको समेत उपस्थित रहेको थियो । उक्त कार्यक्रममा भारतका विभिन्न क्षेत्रवाट वरिष्ठ विषयगत विज्ञहरूको समेत उपस्थित रहेको थियो। पहिलो दिनको कार्यक्रममा लघुकथा र काव्य वाचन गरिएको थियो।

भाषा आयोगको सदस्य माननीय डा. पुष्करराज भट्ट र भारतका वरिष्ठ साहित्यकार विभा रानी श्रीवास्तबले विमोचित कृतिमाथि चर्चा गरेका थिए । क्रान्तिधरा साहित्य अकादमीका संस्थापक अध्यक्ष विजय पण्डितको संयोजकमा आयोजित उक्त कार्यक्रम वरिष्ठ काव्यकार डा.बलराम उपाध्याय रेग्मिको सभाध्यक्षतामा भएको थियो ।