हेटौंडा, मकवानपुर प्रहरीले ९ किलो अफिम सहित एकजनालाई पक्रेको छ । पक्राउ पर्नेमा राक्सिराङ गाउँपालिका ५ घर भई हाल मनहरी गाउँपालिका ७ बस्दै आएका २२ वर्षका विवेक प्रजा रहेका छन् ।
ADVERTISEMENT
मनहरी ७ प्याङ्चे बजारस्थित सडकमा राक्सिराङबाट आउँदै गरेको बा.प्र.०३–००५ प ३१०३ नम्बरको र बा.प्र.०३–००३ प ९६४७ नम्बरको मोटरसाइकललाई चेकिङ गर्दा ९ किलो ८२० ग्राम अफिम फेला पारिएको जिल्ला प्रहरी कार्यालय मकवानपुरले जनाएको छ ।
विवेक प्रजा पक्राउ पर्दा ९६४७ नम्बरको मोटरसाइकलमा आएका दुईजना भने फरार भएका छन् । फरार रहेका दुवैजनाको खोजी कार्य भैरहेको जिल्ला प्रहरी कार्यालय मकवानपुरले जनाएको छ ।
ADVERTISEMENT
अफिमसहित पक्राउ परेका प्रजालाई जिल्ला अदालत मकवानपुरबाट १० दिनको म्याद थप गरी आवश्यक अनुसन्धान प्रक्रिया अघि बढाइएको जिल्ला प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।
ईलाका प्रहरी कार्यालय मनहरीका प्रहरी निरीक्षक दीपक थापाको नेतृत्वमा रहेको प्रहरी टोलीले अफिमसहित प्रजालाई नियन्त्रणमा लिएको हो ।
