हेटौंडा, हेटौंडामा नीजि लगानीबाट गुणस्तरीय शैक्षिक सेवा दिदै आएको हेटौंडा सिटी कलेज कक्षा १२ का विद्यार्थीहरूलाई शुक्रबार विदाई तथा शुभकामना कार्यक्रम गरिएको छ ।
विद्यालयको कक्षा ११ का विद्यार्थीहरुको आयोजनामा कक्षा १२ का विद्यार्थीहरुलाई शुक्रबार बिदाई कार्यक्रम भएको हो । कार्यक्रममा विद्यार्थीहरुले गायन तथा नृत्य पनि प्रस्तुत गरेका थिए । साथै नयाँ वर्ष लक्षित शुभकामना आदान प्रदान कार्यक्रम पनि भएको थियो । विद्यालयका प्रिन्सिपल श्रीबहादुर कार्कीले क्याम्पसले विद्यार्थीलाई व्यवहारिक शिक्षामा जोड दिँदै आइरहेको बताए ।
हाल होटल म्यानेजमेन्ट, व्यवस्थापन, विज्ञान संकाय र कानुनमा अध्यापन गराउँदै आएको क्याम्पसले उत्कृष्ट नतिजा ल्याउन सफल भएको उनले दाबी गरे । विद्यालयका कक्षा ११ र १२ गते २०० सय जना विद्यार्थीहरु अध्ययन रहेको क्याम्पसका प्रशासन प्रमुख सुमन्त सिल्वालले जानकारी दिए । कार्यक्रममा अभिभावक, विद्यार्थीहरुको पनि सहभागिता रहेको थियो ।
