चन्द्रागिरी सडकमा लोडरले किच्दा नुवाकोटका भण्डारी मृत्यु

हेटौंडा, थानकोट–चन्द्रागिरि-चित्लाङ सडकमा दुर्घटना हुँदा एक जनाको ज्यान गएको छ।

शनिबार दिउँसो सो सडकको चन्द्रागिरि-चित्लाङ खण्डमा सडक मर्मतमा खटिएको लोडरले किच्दा एक जनाको ज्यान गएको हो ।

इलाका प्रहरी कार्यालय चित्लाङका अनुसार मृत्यु हुनेमा नुवाकोटका २९ वर्षीय सागर भण्डारी रहेका छन् ।

उनको घटनास्थलमै मृत्यु भएको इलाका प्रहरी कार्यालय पालुङका प्रहरी निरीक्षक श्याम थापा मगरले जानकारी दिए । मृतकको शव परीक्षणका लागि त्रिवि शिक्षण अस्पताल महाराजगञ्जतर्फ ल्याइएको छ ।

लोडर चालकलाई थप अनुसन्धानका लागि इलाका प्रहरी कार्यालय पालुङले नियन्त्रण लिएको छ ।