हेटौंडा, निर्माण व्यवसायी संघ मकवानपुरको २३ औँ साधारणसभा तथा ११ औँ अधिवेशनबाट निर्वाचित पदाधिकारी तथा सदस्यहरुको सपथ तथा प्रमाणपत्र वितरण कार्यक्रम भएको छ ।
ADVERTISEMENT
हेटौंडामा सोमबार एक कार्यक्रमका बीच संघका कानूनी सल्लाहकार एवम् निर्वाचन अधिकृत ईश्वरराज ढकालले नवनिर्वाचित अध्यक्ष बालगोपाल कँडेललाई सपथ गराएका थिए । नवनिर्वाचित अध्यक्ष कँडेलले कार्यसमितिका नवनिर्वाचित पदाधिकारी तथा सदस्यहरुलाई सपथ गराएका छन् । कार्यक्रममा संघका पूर्व अध्यक्ष आनन्दराम पराजुली, नारायणी यातायात व्यवसायी संघका अध्यक्ष हिरालाल श्रेष्ठ र नेकपा (एकीकृत समाजवादी) का अध्यक्ष विष्णुप्रसाद दाहालले निर्वाचन लोकतान्त्रिक अभ्यास भएकोले जित हारलाई स्वीकारेर संस्थागत एवम् व्यवसायिक हितमा लाग्न अनुरोध गरे ।
नवनिर्वाचित अध्यक्ष कँडेलले निर्वाचनको समयमा समूहगत प्रतिस्पर्धा गरेपनि अब संघ र सदस्यहरुको हकहितका लागि एकजुट भएर काम गरिने प्रतिबद्धता जनाए । निर्माण व्यवसायी संघलाई निर्माण व्यवसायीहरुको साझा संस्था बनाउने र कुनैपनि सदस्यलाई काखापाखा नगर्ने प्रतिबद्धता जनाए । संघको आइतबार भएको निर्वाचनबाट अध्यक्षसहित पदाधिकारी र सदस्यहरु चयन भएका थिए ।
