हेटौँडा, तामाङ पत्रकार संघ मकवानपुरको अध्यक्षमा पुनः जयराम मोक्तान चयन भएका छन् । शनिबार भएको संघको चौथो भेलाले मोक्तानको नेतृत्वमा ११ कार्यसमिति सर्वसम्मत चयन गरिएको हो ।
ADVERTISEMENT
संघको उपाध्यक्षमा सन्देश थिङ, सचिवमा भुवन घलान, सहसचिवमा रविन्द्र वाईबा, कोषाध्यक्षमा जमुना थिङलाई सर्वसम्मत चयन गरिएको छ । संघको सदस्यमा अन्जना लामा, संशान्त तामाङ, विवेक वाईबा, छोइसाङ सिन्तान चयन भएका छन् । दुई जनालाई कार्यसमितिको बैठकले सदस्यमा मनोनित गरिनेछ ।
सोही अवसरमा ३० औं तामाङ प्रसारण दिवस मनाएको छ । मोक्तानको सभाध्यक्ष तथा जिल्ला समन्वय समिति मकवानपुरका प्रमुख ललित घलानको प्रमुख आतिथ्यता कार्यक्रम भएको हो । कार्यक्रममा तामाङ अग्रज पत्रकारबाट संस्थापक अध्यक्ष आदर्श सिंह थोकरलाई नगदसहित सम्मानित गरिएको छ । यसैगरी प्रदेश प्रतिनिधिमा सुनसनी थिङ, केन्द्रमा राजकुमार स्याङ्बो र नवराज वाईबालाई चयन गरिएको छ ।
कार्यक्रम नेपाल तामाङ घेदुङका केन्द्रीय सदस्य मेम्बर लो, नेपाल तामाङ घेदुङ मकवानपुरका अध्यक्ष कालुु घलान, सल्लाहकार सानु लामा दोङ, सचिव किरणमान बल, तामाङ पत्रकार संघ बागमती प्रदेशका उपाध्यक्ष ज्ञानेन्द्र तामाङ, नेपाल पत्रकार महासङ्घका महासचिव कृष्ण सारु मगर, नेपाल पत्रकार महासङ्घ मकवानपुरका कार्यवाहक अध्यक्ष ध्रुव अधिकारी लगायतको उपस्थिति थियो ।
