हेटौंडा, हेटौंडा–४ मा रहेको नवोदय शिशु सदन अङ्ग्रेजी माध्यमिक विद्यालयले आयोजना गरेको मैत्रीपूर्ण भलिबल प्रतियोगिताको उपाधी ‘नोटबुक निन्जा’ले जितेको छ ।
बुधबार भएको फाइनल खेलमा ह्वाइटबोर्ड वारियर्सलाई ३–२ को सेटले हराउँदै नोटबुक निन्जाले रनिङ शिल्ड मैत्रीपूर्ण भलिबल खेलको उपाधी चुम्न सफल भएको होे । नवोदय शिशु सदन अङ्ग्रेजी माध्यमिक विद्यालयमा आबद्ध रहेका शिक्षक तथा कर्मचारीलाई चार समूहमा विभाजन गरी प्रतियोगिता आयोजना गरिएको थियो ।
प्रतियोगितामा विजयी भएका टिमलाई नवोदय इनोभेसन सेन्टरका निर्देशक अव्यक्त खनाल र विद्यालयका प्रिन्सिपल मनोज थिङले नगद शिल्ड, मेडल र प्रमाणपत्र प्रदान गर्नुभएको थियो ।
खेलले शारीरिक र मानसिक क्षमता सुधार हुने, समूहमा काम गर्नको लागि टीमवर्कको महत्व बुझाउने र खेलमा रमाइलो साथै प्रतिस्पर्धात्मक भावना पैदा गराउने भएकोले गर्दा प्रतियोगिता आयोजना गरिएको प्रतियोगिता संयोजक सुरुची ढुङ्गेलले जानकारी दिनु भयो ।
