हेटौंडा, हेटौंडा जेसीसको आयोजनामा भएको पब्लिक स्पिकिङको पाचौँ संस्करणको उपाधी पोखराकी सुस्मा आचार्यले जित्न सफल भएकी छिन् । प्रतियोगितामा कावसोतीका रमेश भुर्तेल दोस्रो र कावसोटीकी बन्दना विश्वकर्मा तृतीय भए । उनीहरुलाई २५, १५ र १० हजार रुपैयाँ नगदसहित प्रमाणपत्र प्रदान गरिएको थियो ।
ADVERTISEMENT
देशभरबाट सहभागी ५८ मध्येबाट उत्कृष्ट १० जनाबाट प्रथम, दोस्रो र तेस्रो छनोट गरिएको जेसीज हेटौंडाका अध्यक्ष बिकेशलाल श्रेष्ठले बताए । युवाहरुको नेतृत्व विकासमा टेवा पुगोस् भन्ने उद्देश्यले कार्यक्रमको आयोजना गरिएको अध्यक्ष श्रेष्ठले बताए ।
कार्यक्रम बागमती प्रदेशका प्रदेश प्रमुख दीपक प्रसाद देवकोटाको प्रमुख आतिथ्यतामा कार्यक्रम भएको हो । प्रदेश प्रमुख शर्माले युवा लक्षित उत्कृष्ट कार्यक्रम पहिचान गरि अगाडि बढ्न हेटौंडा जेसीजलाई शुभकामना दिए । उनले युवालाई उद्धमशीलतामार्फत् स्वरोजगार र रोजगारी सृजनाको बाटोमा युवा डोर्याउने जेसीजको आर्थिक क्रियाशीलताको योगदान उत्कृष्ट रहेको बताए । मान्छे क्षमता नभएर होइन क्षमता नचिनेर पछि पर्ने गरेको भन्दै उनले युवालाई उच्च मनोबलका साथ प्रगति पथमा लम्किनको लागि आग्रह गरेका थिए ।
