हेटौंडा, हेटौंडा उपमहानगरपालिका वडा नम्वर ५ बालमैत्री स्थानीय शासनयुक्त वडा घोषणा गरिने भएको छ । हेटौंडाका विभिन्न वडाहरुलाई बालमैत्री घोषणा गरिरहेकोमा ५ नम्बर वडालाई पनि बालमैत्री शासनयुक्त घोषणा गर्न लागिएको हो ।
ADVERTISEMENT
‘बालबालिकामा लगानी, सुनिश्चित भविष्यको थालनी’ भन्ने मुल नाराको साथ वडालाई यही पुष २४ गते बुधबार बालमैत्री वडा घोषणा गर्न लागिएको विहीबार पत्रकार सम्मेलनमार्फत् हेटौंडा–५ का वडाध्यक्ष सुशिल घिमिरेले जानकारी दिए । उनले यस अभियानको क्रममा बालश्रम न्यूनिकरण गर्नतर्फ ७ जना बालकको उद्दार गरिएको घिमिरेले बताए । हामीले होटल, ग्यारेज र ग्रील उद्योगमा बालश्रम भेटिएपछि तराई क्षेत्रका र भारतीय बालकहरुको उद्दार गरेका हौं, अध्यक्ष घिमिरेले भने । वडामा भाडामा बस्ने मनहरीका दुईवटा वालविवाहलाई हामी रोक्न सफल भयौं, र अभिभावकको जिम्मा लगाएका थियौं ।
बालबालिका सडकमा आउनुको कारण मुख्य आर्थिक कमजोर रहेको देखिन्छ, वडाले अभिभावकलाई रोजगारको क्षेत्रमा लगाएर पनि सहयोग गर्दै आइरहेको वडाध्यक्ष घिमिरेले बताए । बालमैत्री स्थानीय शासन कार्यान्वयन निर्देशिका, २०७८ र कार्यान्वयन कार्यविधि, २०७९ को मार्गदर्शन अनुसार वडाले बालमैत्रीको लागि पौन २ लाख बजेटमा आवश्यक तयारी गरिएको उनले बताए । वडा ५ मा घरधुरी सर्वेक्षण २०७९ अनुसार दुई हजार ८७५ घरधुरी रहेको छ भने १४ हजार १२७ जना कुल जनसंख्या रहेको छ ।
ADVERTISEMENT
