हेटौँडा, मकवानपुर प्रहरीले लागूऔषध वनरेक्ससहित एकजनालाई नियन्त्रणमा लिइएको छ । पक्राउ पर्नेमा पर्साको बहुदरमाई नगरपालिका ९ बस्ने २४ वर्षीय मुम्ताज मिया रहेका छन् ।
ADVERTISEMENT
पूर्वपश्चिम राजमार्ग अन्तर्गत हेटौंडा १५ रातोमाटेमा चेकिङको क्रममा अमलेखगञ्ज बाराबाट काठमाडौंतर्फ जानको लागि आउँदै गरेको मधेश प्रदेश ०३–००१ ज ४५१ नम्बरको सुमो चेकिङको क्रममा हुडमा रहेको स्पेर टायरभित्र लुकाएर ल्याएको अवस्थाको २२५ बोतल लागूऔषध फेला परेको जिल्ला प्रहरी कार्यालय मकवानपुरले जनाएको छ ।
टायर भित्र प्वाल पारेर लुकाइ ल्याएको अवस्थामा एकसय मिलिलिटरको वनरेक्ससहित सुमो चालक मियालाई सुमोसहित पक्राउ गरिएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक श्यामु अर्यालले जानकारी दिए । प्रहरीले मियालाई जिल्ला अदालत मकवानपुरबाट ५ दिनको म्याद अनुमति लिएर आवश्यक अनुसन्धान प्रक्रिया अघि बढाएको छ ।
