उद्घोषण सिक्दै व्यूटीसियन

हेटौंडा, १३ जेठ/हेटौैंडामा सौन्दर्यकर्मीहरुका लागि आयोजित तीनदिने आधारभुत उद्घोषण तथा भाषणकला तालिम सम्पन्न भएको छ ।

सौन्दर्यकर्मी संगठन नेपाल मकवानपुर र हेटौडा उपमहानगरपालिका नगर कमिटीको आयोजनामा सौन्दर्यकर्मीको वाक् कलाको आवश्यकतालाई मध्यनजर गर्दै तालिम सञ्चालन गरिएको हो । २० जना सौन्दर्यकर्मीको सहभागिता रहेको तालिममा हेटौंडाका सञ्चारकर्मी आशिष दुलालले प्रशिक्षण दिएका थिए ।

सौन्दर्यकर्मी संगठन नेपाल मकवानपुरका अध्यक्ष जुना लामाको अध्यक्षतामा भएको कार्यक्रममा सौन्दर्यकर्मी संगठन नेपालका अध्यक्ष गमला राजभण्डारीले हेटौडाले पाएको महिला मेयरबाट महिलाहरुले विशेष अपेक्षा गरेको बताइन् ।
सहभागीहरुले महिला हिंसा अन्त्य, बालबालिका संरक्षण लगायतका बिषयमा लगानी गर्न सरकारलाई आग्रह गरेका छन् ।