हेटौंडा, गतवर्षझै यसवर्ष पनि सिस्नुपानी नेपाल मकवानपुरले तिहारको अवसरमा कार्तिक ५ गते हास्यव्यङ्ग्य देउसी भैलो कार्यक्रम गर्ने भएको छ। सिस्नुपानी नेपाल मकवानपुरका अध्यक्ष राजकुमार लामिछानेलगायतको नयाँ कार्यसमिति चयन भएर आएपछि गरेको देउसी भैलो कार्यक्रम दोस्रो पटक रहेको छ ।
ADVERTISEMENT
‘सिस्नुपानी नेपालले हरेक वर्ष तिहारको अवसरमा देउसी भैलो कार्यक्रम गर्दै आइरहेको छ । सिस्नुपानी नेपालकै शाखाको रुपमा रहेको सिस्नुपानी मकवानपुरले मकवानपुरका साहित्यकार र कलाकारहरुको सहयोगमा देउसी भैलो कार्यक्रम दोस्रो पटक आयोजना गर्न लागेका हौँ ।’ सिस्नुपानी नेपाल मकवानपुरका अध्यक्ष लामिछानेले भने –‘नेपाली मौलिक संस्कृतिको जगेर्ना गर्नुका साथै देशमा भएका विकृति, विसङ्गतिलाई उजागर गर्ने उद्देश्यले कार्यक्रम गर्न लागेका हौँ ।’
हास्यव्यङ्ग्य देउसी भैलो कार्यक्रमको लागि असोज २४ गतेबाट नै आफ्नो भवनबाट रियल्सनको कार्य भइरहेको उनले जानकारी दिए । हेटौंडाको क्लव हेटौंडा पार्टी प्यालेसमा हुने कार्यक्रममा हास्यव्यङ्ग्य प्यारोडिक गित, खैचेडी भजन, पुराण प्रस्तुती हुने छ । कार्तिक ५ गते क्लव हेटौंडा पार्टी प्यालेसमा हुने कार्यक्रमका लागि सहभागिता जनाइनदिनुहुनका निम्ति मकवानपुरेबासीलाई उनले आग्रह गरेका छन् ।
