हेटौंडा, हेटौँडा–२ मा रहेको बालजागृति इङ्लिस सेकेण्डरी विद्यालयले एसईई २०८१ मा ४ जिपिए हासिल गर्ने छात्रा अनुप्रस्था देवकोटालाई सम्मान गरेको छ।
ADVERTISEMENT
आज विद्यालयले एक कार्यक्रमकाबीच देवकोटालाई नगद ३५ हजार रुपैयाँसहित सम्मान गरेको हो। कार्यक्रममा देवकोटालाई विद्यालयका प्रिन्सिपल विनोद सुवेदी, सह–प्रिन्सिपल अमूल श्रेष्ठ र विज्ञान शिक्षक प्रेम हमालले व्यक्तिगत रूपमा १५–१५ हजार रुपैयाँका दरले थप ४५ हजार रुपैयाँ नगद पुरस्कार प्रदान गरेका थिए।
विद्यालय सञ्चालक समितिका अध्यक्ष दिनेशप्रसाद भण्डारी, व्यवस्थापन समितिका अध्यक्ष रामकृष्ण तिमल्सिनालगायतले एसईई परीक्षामा उत्कृष्ट अंक हासिल गर्ने विद्यार्थीहरूलाई पनि प्रमाणपत्रद्वारा सम्मान गरेका थिए । विद्यालयले एसईई परीक्षामा सतप्रतिशत नतिजा हासिल गरेको खुसीयालीमा विद्यार्थी, अभिभावक, शिक्षक, कर्मचारीको सहभागितामा बाजागाजासहित नगर परिक्रमा गरेको थियो।
