देउसी भैलोबाट दललाई व्यङ्ग्य प्रहार

हेटौंडा/सिस्नुपानी नेपाल मकवानपुरले देउसी भैलो कार्यक्रमबाट सरकार र राजनीतिक दलविरुद्ध व्यङ्ग्य प्रहार गरेको छ । गठबन्धन राजनीतिक दल, एमसीसि पास, नागरिकता विधेयकलगायतको विषयमा शनिबार सिस्नुपानी नेपाल मकवानपुरले आयोजना गरेको देउसी भैलो कार्यक्रम तथा खैचेडी भजनबाट तिखो व्यङ्ग्य प्रहार गरेको छ ।

सिस्नुपानी नेपालले हरेक वर्ष आयोजना गर्ने हास्यव्यङ्ग्य देउसी भैलो कार्यक्रमलाई मकवानपुर शाखाले गतवर्षदेखि बाट निरन्तरता दिँदै आइरहेको छ ।‘मकवानपुरका कलाकारहरुको सहयोगमा देउसी भैलो कार्यक्रम दोस्रो पटक आयोजना गरेका हौँ ।’

सिस्नुपानी नेपाल मकवानपुरका अध्यक्ष लामिछानेले भने –‘नेपाली मौलिक संस्कृतिको जगेर्ना गर्नुका साथै देशमा भएका विकृति, विसङ्गतिलाई उजागर गर्ने उद्देश्यले कार्यक्रम आयोजना गरेको हो ।’ कार्यक्रममा हास्यव्यङ्ग्य प्यारोडिक गित, खैचेडी भजन, पुराण प्रस्तुती रहेको थियो ।