हेटौँडा, पालुङमा यस वर्षको इन्द्रजात्रामा हराइसकेको परम्परा पुनः सुरु हुँदैछ। दशकमै हराएको भैरवको मुखबाट छ्याङ वितरण गर्ने चलन यसपटक पुनर्जीवित गरिएको हो।
ADVERTISEMENT
स्थानीय ‘पालुङ नेवा संस्कृति सम्पदा संरक्षण गुठी’ले यो प्राचीन संस्कारलाई व्यवस्थापन गर्दैछ। गुठीका अनुसार, यसपटक विशेष मुकुटमार्फत भैरवको मुखबाट छ्याङ निकाल्ने तयारी गरिएको छ।
स्थानीयका अनुसार “पहिले–पहिले भैरवलाई छ्याङको जुठो लगाएर त्यसलाई प्रसादको रूपमा बाँडिन्थ्यो।”
ADVERTISEMENT
काठमाडौं उपत्यकामा जहाँ प्रायः स्वेत भैरवको मुखबाट छ्याङ निकालिन्छ, त्यहाँ पालुङमा भने काला भैरवको मुख प्रयोग गर्ने परम्परा छ। विशेषत: यहाँ महिलालाई छ्याङ खान रोकिएको छैन, तर भैरवको मुकुट छुन भने अझै निषेध छ।
इतिहासविद्हरू भन्छन्, यो चलन प्राचीन समयमा राजाहरूले मृत आत्मालाई तर्पण दिने संस्कारसँग सम्बन्धित थियो। पालुङ विगतमा अलग राज्य भएकाले यो परम्पराको जड त्यतिबेलै रहेको हुनसक्ने स्थानीय निरोज़ प्रधानले बताए।
यसपटक छ्याङसँगै डबली (सांस्कृतिक ग्राम) परिसरमा अन्य प्रसाद पनि वितरण गरिनेछ भने स्थानीय युवाहरुले ब्यान्ड बाजाको डेमो समेत प्रदर्शन गर्ने स्थानीय युवा रमन श्रेष्ठले जानकारी दिए।
यसपालि २१ भाद्रमै पालुङको इन्द्रजात्रा परेको छ। काठमाण्डौमा र पालुङमा एक दिनको फरकमा इन्द्रजात्रा पर्ने भएतापनी यसपटक भने २१ भाद्रमै इन्द्रजात्रा मनाइने पालुङका विश्व प्रधानले जानकारी दिए।
