हेटौँडा, थाहा नगरस्तरीय अन्तरवडा मेयर कप रनिङ शिल्ड फुटबल प्रतियोगिताको खेल तालिका सार्वजनिक भएको छ। मङ्सिर ४ गतेदेखि सुरु हुने प्रतियोगिता थाहा नगरपालिकाको आयोजना तथा खेलकुद विकास समितिको व्यवस्थापनमा हुने भएको हो।
ADVERTISEMENT
प्रतियोगितामा थाहा नगरपालिकाका वडा नम्वर १, २, ३, ४, ७, ८, ९, ११ र १२ ले सहभागिता जनाएका छन् । उद्घाटन खेलमा वडा नं. १ र वडा नं. ९ बीच प्रतिस्पर्धा हुने आयोजकले जनाएको छ।
थाहा नगरपालिका–४, इन्द्रायणीचौरमा आयोजना हुने प्रतियोगिताका विजेता टिमले नगद ५० हजार रुपैयाँ तथा दोस्रो हुने टिमले नगद २५ हजार रुपैयाँसहित शिल्ड, मेडल र प्रमाणपत्र प्राप्त गर्नेछन्।
ADVERTISEMENT
