हेटौंडा, निजी तथा आवासीय विद्यालय अर्गनाइजेशन नेपाल (प्याव्सन) ले देशभर एकैसाथ सञ्चालन गर्ने एसईई पूर्वतयारी परीक्षा माघ २२ गते बिहान ७ बजेदेखि सुरु हुने भएको छ।
ADVERTISEMENT
प्याव्सन आवद्ध विद्यालयमा अध्ययनरत विद्यार्थीहरूका लागि मकवानपुर जिल्लामा १० वटा परीक्षा केन्द्र निर्धारण गरिएको प्याव्सन मकवानपुरका अध्यक्ष विनोद सुवेदीले जानकारी दिनुभयो। निर्धारण गरिएका केन्द्रहरूमध्ये हेटौंडा उपमहानगरपालिकामा ६ वटा, थाहा नगरपालिकामा २ वटा र मनहरी गाउँपालिकामा २ वटा रहेका छन्।१० वटा परीक्षा केन्द्रमार्फत कुल १ हजार ४ सय ६३ जना विद्यार्थी सहभागी हुनेछन्।
यसअघि माघ १४ गतेदेखि सञ्चालन गर्ने भनिएको परीक्षा मिति परिमार्जन गरी माघ २२ गतेबाट सुरु गर्न लागिएको हो। माघ २९ गतेसम्म सञ्चालन हुने परीक्षाको पहिलो दिन माघ २२ गते अङ्ग्रेजी, माघ २३ गते नेपाली, माघ २५ गते गणित, माघ २६ गते विज्ञान, माघ २७ गते सामाजिक शिक्षा, माघ २८ गते ऐच्छिक प्रथम र माघ २९ गते ऐच्छिक दोस्रो विषयको परीक्षा सञ्चालन हुने प्याव्सनले जनाएको छ।
ADVERTISEMENT
