ब्लोनले लगाइन् आफ्नै शरीरमा आगो

हेटौंडा/मकवानपुरको राक्सिराङ गाउँपालिकाका एक महिलाले श्रीमानसँग झगडा हुँदा आफ्नै शरीरमा पेट्रोल छर्केर आगो लगाएकी छिन् । राक्सिराङ गाउँपालिका–३ पलाँसेका ३३ बर्षीया रिना ब्लोनले आफ्नै शरीरमा आगो लगाएकी हुन् । आगोले जलेकी उनको अवस्था गम्भिर रहेको जिल्ला प्रहरी कार्यालय मकवानपुरले जानकारी दिएको छ ।

श्रीमान राजेन्द्र थिङसँग झगडा हुँदा उनले आफ्नै शरीरमा पेट्रोल छर्केर आगो लगाएको जानकारीमा आएको जिल्ला प्रहरी कार्यालय मकवानपुरले जनाएको छ ।

गम्भीर घाइते भएकी रिनाको काठमाडौंस्थित कीर्तिपुर अस्पतालमा उपचार भइरहेको छ । घटनाको बिषयमा थप अनुसन्धान भैरहेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक टेकबहादुर कार्कीले जानकारी दिए ।