हेटौंडा, महिला बालबालिका तथा जेष्ठ नागरिक मन्त्रालयका मन्त्री भगवती चौधरीलाई बाल संरक्षण तथा बालगृहहरुको प्रभावकारी नियमन सम्बन्धमा नीतिगत सुधार तथा व्यवहारिक कार्यान्वयनकालागि अनुरोधपत्र हस्तान्तरण गरिएको छ । राष्ट्रिय बाल संरक्षण संजालका केन्द्रिय अध्यक्ष प्रकाश खतिवडाले १८ बुँदे अनुरोध पत्र बाचन गर्दै मन्त्री चौधरीलाई हस्तान्तरण गरेका हुन् ।
ADVERTISEMENT
अनुरोध पत्र बुझ्दै मन्त्री चौधरीले बाल अधिकारको संरक्षण र सम्बर्धनमा सरकारलाई सघाएकोमा धन्यबाद ज्ञापन व्यक्त गरेका थिए । मन्त्रालयले बालबालिका ऐन २०७५ र नियमाबलीलाई अक्षरस पालना गर्दै राष्ट्रिय बाल अधिकार परिषदलाई सशक्त र जिम्मेबारको बोध गर्दै बाल अधिकारको सम्मान गर्ने उनले बताईन् ।
राष्ट्रिय बाल संरक्षण संजालका केन्द्रिय अध्यक्ष प्रकाश खतिवडा, फर्गेट मी नट अष्ट्रेलिया, देशीय निर्देशक अन्जु पुन, हिमाली नवीन समाज काठमाडौका कार्यकारी निर्देशक धन बहादुर लामा, राष्ट्रिय बाल संरक्षण संजालका कार्य समिती सदस्य तोयानाथ तिवारी र स्वतन्त्रता अभियानका प्रतिनिधि मनु नेपालीद्वारा संयुक्तरुपमा उपस्थिती भई अनुरोध पत्र मन्त्रीलाई हस्तान्तरण गरेका थिए ।
