हेटौंडा, टोल विकास संस्था नगर समन्वय समिति हेटौंडाको आयोजनामा हेटौंडा उपमहानगरपालिका १४ र १५ नम्वर वडामा लेखा व्यवस्थापन तालिम बुधबार सम्पन्न भएको छ । हेटौंडा १४ र १५ मा रहेको टोल विकास संस्थाका कोषाध्यक्षलाई लक्षित गरी ३ दिने तालिम प्रदान गरिएको थियो ।
ADVERTISEMENT
टोल विकास संस्थाहरुको लेखा प्रणाली चुस्त दुरुस्त राख्न सहयोग पु¥याउने उद्देश्यले तालिम आयोजना गरेको टोल विकास संस्था नगर समन्वय समिति हेटौंडाका उपमहासचिव देवकुमार श्रेष्ठले जानकारी दिए ।
समितिका उपाध्यक्ष सति न्यौपानेको अध्यक्षतामा भएको कार्यक्रममा हेटौंडा १५ नम्वर वडाका वडा अध्यक्ष सुनिल मोक्तानको प्रमुख आतिथ्यता रहेको थियो । कार्यक्रममा समितिका उपाध्यक्ष सति न्यौपाने र उपमहासचिव देवकुमार श्रेष्ठले तालिमको सहजीकरण गरेका थिए । तालिममा १४ र १५ नम्बर वडाका ३५ जनाको सहभागिता रहेको थियो । टोल विकास संस्था नगर समन्वय समिति हेटौंडाले हेटौंडाको ३, १९, १, १०, ११, १२, १३, १४ र १५ मा रहेका टोल विकास संस्थाका कोषाध्यक्षहरुसँग लेखा व्यवस्थापन तालिम सम्पन्न गरिसकेको छ भने अन्य वडामा बाँकी रहेको छ ।
