सर्पले डस्दा बस्तीपुरका कंडेलको मृत्यु

हेटौंडा, १७ बैशाख÷सर्पले डरेर मकवानपुरमा एकजनाको मृत्यु भएको छ । हेटौंडा–१९ बस्तीपुरका अन्दाजी ३५ वर्षका सोनु कंडेलको मृत्यु भएको हो । घर नजिकै रहेको जंगलबाट ल्याएको सर्प खेलाउने क्रममा दाहिने हातको माझी औंलामा टोकेको थियो ।

सर्पको टोकाइबाट बिरामी भएका उनको उपचारको क्रममा हेटौंडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ । ‘सर्पले डसेर गम्भीर भएका कंडेललाई उपचारको लागि हेटौंडा अस्पताल ल्याइएको र उपचारको क्रममा मृत्यु भएको हो’, जिल्ला प्रहरी कार्यालय मकवानपुरका प्रवक्ता डीएसपी टेकबहादुर कार्कीले भने ।