हेटौंडा, शनिबार मकवानपुरको मनहरीमा ट्रकमा ठोक्किएर हात चुडिएका पुरुषको ज्यान गएको छ । शनिवार विहान मनहरी–६ रजैयामा पुर्व-पश्चिम सडक खण्डमा बा ३ ख ८३९४ नम्बरको बसमा सवार अन्दाजी ३०र३२ वर्षाका पुरुषले झयालबाट हात निकालेको आवस्थामा उनको दाहिने हात हेटौडातर्फबाट चितवन तर्फ जादै गरेको ग १ क २२९७ नम्बरको मिनि ट्रकमा ठोक्किएको थियो ।
ADVERTISEMENT
बसमा सवार पुरुषले बसको झयालबाट हात बाहिर निकालेको अवस्थामा उक्त ट्रकमा ठोक्किएर दाहिने हात चुडिएको मकवानपुर प्रहरीले जनाएको छ ।
हात चुडिएर उपचारका लागि हेटौडा अस्पताल लगिएकोमा उनको उपचारको क्रममा मृत्यु भएको मकवानपुरका प्रहरी प्रवक्ता डिएसपी टेक बहादुर कार्कीले बताएका छन्। मृतकको पहिचान नखुलेको र बस र ट्रक चालक प्रहरी नियन्त्रणमा रहेको जनाइएको छ ।
