परियोजनामा जडान भएको मेसिनको प्रारिम्भक परीक्षण


हेटौंडा, दूधजन्य पदार्थको मागलाई ध्यानमा राख्दै मकवानपुर जिल्ला दुग्ध उत्पादक सहकारी संघले दुग्ध प्रशोधन परियोजना सञ्चालन गर्न लागेको छ । परियोजनामा जडान भएको मेसिनको बुधबार प्रारम्भिक परीक्षण गरिएको छ । उद्योगमा दही, खुवा, आइसक्रिम, पनिर, घ्यू, नौनी, जिरा मोही उत्पादन हुनेछ । करिब ६ करोडको लगानीमा निर्माण भइरहेको उद्योगमा बागमती प्रदेश सरकारको ५७ लाख २० हजार, सहकारी बजार विकास कार्यक्रम (सिएमडिपी)को एक करोड ७१ लाख र सहकारी संघको करिब ३ करोड लगानी रहेको छ ।

ADVERTISEMENT

परियोजनामा जडान भएको मेसिनको परीक्षण गरिँदै ।

उद्योगमा एक सिफ्टमा १० हजार लिटर दूधको विभिन्न परिकार बनाउन सक्ने क्षमता रहेको जिल्ला दुग्ध उत्पादक सहकारी संघका ब्यवस्थापक कुमारमणि दाहालले बताए । जिल्लाका ६० वटा सहकारी संस्था आवद्ध रहेको दुग्ध सहकारी संघले दैनिक ४० हजार लिटर दूध खरिद बिक्रीका लागि सहजीकरण गर्दै आएको छ । उद्योगमा खुवा बन्ने मेसिनको परीक्षण गरिएको हो । बागमती प्रदेश सहकारी बोर्डका कार्यकारी उपाध्यक्ष तथा केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटा सहित मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी लगायतको उपस्थितीमा मेसिनको प्रारम्भिक परीक्षण गरिएको हो । परियोजनाको प्रारिम्भक परीक्षण गरेतापनि दही र आइसक्रिम बन्ने मेसिन उद्योगमा आइसकेको छैन ।

दही र आइसक्रिम बन्ने मेसिन नआउँदा परियोजनाको उद्घाटन हुने टुंगो लागेको छैन । मकवानपुरको भीमफेदी गाउँपालिका वडा नम्बर १ मा सञ्चालनको तयारीमा रहेको उद्योगलाई बागमति प्रदेश सरकार, सहकारी बजार विकास कार्यक्रम (सिएमडिपी) र सहकारी संघले लगानी गरेको हो । गतवर्ष नै उद्योग सञ्चालनमा आउनुपर्नेमा कोरोना महामारीले गर्दा काममा ढिलाई भएको थियो ।

परीक्षण उत्पादनका क्रममा प्रदेश सहकारी विकास बोर्डका कार्यकारी उपाध्यक्ष देवकोटाले जिल्ला दुग्ध उत्पादक सहकारी संघमा संकलित दूधलाई विभिन्न परिकार बनाई बजारीकरण गर्ने उद्देश्यले उद्योग सञ्चालन गर्न लागिएको बताए । जिल्ला दुग्ध उत्पादक सहकारी संघमा आवद्ध र स्थानीय कृषकले उत्पादन गरेका कच्चा दूधलाई संकलन गरी विभिन्न परिकार तयार गरी विक्री गरिने संघका अध्यक्ष बासुदेव अधिकारीले बताए । अधिकारीले कृषकहरुलाई व्यवसायिक बनाई आत्मनिर्भर बनाउन दुग्ध उद्योग प्रभावकारी हुने दावी गरे ।

Leave a Reply

Your email address will not be published. Required fields are marked *

सत्मार्ग अनलाइन डिजिटल पत्रिका

तपाईँको सूचना र विचारको भरोसायोग्य डिजिटल स्रोत। राष्ट्रिय, अन्तर्राष्ट्रिय, प्रविधि, मनोरञ्जन, शिक्षा, खेलकुद लगायतका विषयमा सत्य, तथ्य र निष्पक्ष समाचार तपाईँमाझ पुर्‍याउने हाम्रो प्रयास।

हाम्रो बारेमा

सत्मार्ग मिडिया प्रा.लि. द्वारा सञ्चालित सत्मार्ग अनलाइन

कम्पनी दर्ता: २९५१७४/०७९/८०
सञ्चार रजिष्ट्रार: ००१३९/०७९/०८०
विभाग दर्ता: ३६७२–२०७९/८०

फेसबुकमा जोडिनुहोस्

© 2026 Satmargaonline.com — All Rights Reserved
Designed by Jivan Acharya