हेटौंडा, सिटिभिटीबाट मान्यता प्राप्त मकवानपुर टेक्निकल इन्ष्टिच्युटले शैक्षिक सत्र २०८०/०८१ को लागि सीमित सिटमा भर्ना खुलेको छ । तीन वर्षे प्रमाणपत्र तहको लागि हेल्थ एसिस्टेन्टमा ४० जना, ल्याब टेक्निसियनमा ३० जना र रेडियोग्राफीमा ३० जनाको सिट संख्या रहेको मकवानपुर टेक्निकल इन्ष्टिच्यूटका प्रिन्सिपल अमिस सुवेदीले जानकारी दिए ।
ADVERTISEMENT
‘हेल्थ एसिस्टेनमा कक्षा सञ्चालन गर्दै आइरहेको इन्ष्टिच्युटले गतवर्षबाट ल्याब टेक्निसियमन र रेडियोग्राफीको लागि सिटिभीटी बाट सम्बन्धन प्राप्त गरी कक्षा सञ्चालन गरेका हौँ ।’ उनले भने –‘गतवर्ष इन्ष्टिच्युटले ९९ प्रतिशत नतिजा ल्याउनमा सफल भएका छौँ ।
इन्ष्टिच्यूटमा पढी उत्कृष्ट नतिजा ल्याई मकवानपुरलगायत छिमेकी जिल्लाको विभिन्न संघसंस्थामा रोजगारी हासिल गर्न सफल भएका छन् । हाम्रो मुख्य लक्ष्य भनेको टेक्निकल क्षेत्रमा दक्ष जनशक्ति उत्पादन गर्नु हो ।’
तीन वर्षे संकायको लागि भर्नाको फाराम बुझाउने अन्तिम मिति साउन १२ गते रहेको छ भने प्रवेश परिक्षा साउन २४ गते सञ्चालन हुने इन्ष्टिच्युटले जनाएको छ ।
