हेटौंडा, बागमती प्रदेश सहकारी संघले तेस्रो स्थापना दिवस वृक्षारोपण गरी मनाएको छ । संघको आयोजनामा बुढानिलकण्ठ–२, कालिका पार्कमा १५ प्रजातीका १०० वटा फलफुलका बिरुवा रोपेर मनाईएको हो ।
संघकी उपाध्यक्ष सिता पौड्यालको संयोजकत्वमा भएको वृक्षारोपण कार्यक्रममा सहकारी अभियान्ताहरुको बाक्लो उपस्थिती रहेको थियो ।
कार्यक्रममा सहकारी अभियन्ता, केन्द्रीय सहकारी संघका पदाधिकारी, प्रदेशस्तरका ३ वटै संघका पदाधिकारीहरु र विभिन्न जिल्लास्तरका सहकारी संघका पदाधिकारीहरु, त्यस क्षेत्रका संघीय, प्रदेश र स्थानिय जन निर्वाचित प्रतिनिधिहरु र सहकारी समन्वय समिति बुढानिलकण्ठका सक्रिय सदस्यहरु र स्थानिय समेत १७० जनाको उपस्थिति थियो।
