हेटौंडाका तीन जना खेलाडी यु–१६ राष्ट्रिय टिममा

हेटौंडा, १६ वर्ष उमेर समूहको नेपाली राष्ट्रिय फुटबल टोलीमा मकवानपुरका तीन खेलाडी समावेश भएका छन्। बन्द प्रशिक्षणमा रहेका ३५ खेलाडीमध्येबाट सोमबार एन्फाले २३ सदस्यीय राष्ट्रिय टिमको घोषणा गरेको हो । प्रशिक्षक रविन्द्र सिलाकरले सोमबार घोषणा गरेको २३ सदस्यीय टोलीमा हेटौंडा–२ का विशेष बानियाँ, हेटौंडा–१० का भुवन कामी र हेटौंडा–१९ का सन्तोष गोङ्बा अटाएका हुन् ।

एन्फाको युथ परियोजनाअन्तर्गत ए डिभिजन क्बलको युथ एकेडेमीमा आवद्ध भएका मकवानपुरका गोलरक्षक विशेष, फरवार्ड सन्तोष र डिफेन्डर भुवन टोलीमा पर्न सफल भएका हुन् । विशेष र सन्तोष ए डिभिजन क्लब न्युरोड टिम (एनआरटी) मा र भुवन विभागिय टोली त्रिभुवन आर्मी फुटबल क्लबमा आवद्ध छन् ।

विशेष बानियाँ (गोलरक्षक)
हेटौडा–२ वनस्खण्डी घर भएका बानियाँ विगत तीन वर्ष देखी एन्फाको युथ परियोजना अन्तर्गत न्युरोड टिम एनआरटीको युथ एकेडेमीमा रहेर प्रशिक्षण गरिरहेको खेलाडी हुन । उनी ल्याबोरेटरी स्कुलमा कक्षा १० मा अध्ययन गर्छन । उनी सानै देखी फुटबलमा रुची राख्थे । उनले स्कुल लेभलको प्रतिष्ठित प्रतियोगिताहरु सैनीक कप, आईजिपि कप लगाएतको प्रतियोगिताहरुमा उत्कृष्ट प्रदर्शन गरेर आफुलाई प्रमाणित गरिसकेका छन । खेल जीवनको चौथो प्रतियोगिता खेल्दा खेल्दै उनी युथ–१६को लागी छनौट भएका हुन् ।

सन्तोष गोङ्वा (फरवार्ड)
हेटौडा–१९ घर भएका सन्तोष निकैनै मेहेनती खेलाडी हुन । उनी शिक्षा विकास शिशु सदनमा कक्षा १० मा अध्ययन गर्छन । स्थानीय प्रतियोगितामा आफुलाई प्रमाणित गरेका सन्तोष न्युरोड टिम एनआरटिमा खुल्ला छनौट मार्फत आवद्घ भएका हुन । लिगको पहिलो खेलमा त्रिभुवन आर्मी फुटबल क्लबको युथ–१६ टिमलाई एनआरटी ले ५–१ गोल अन्तरले बिजयी भएको जसमा पाँचै गोल सन्तोषले गरेका थिए र उनी म्यान अफ द म्याच समेत हुन सफल खेलाडी हुन् । उनी लिगको पहिलो ह्याट्रिक गर्ने खेलाडी मात्र नभई जारी युथ–१६ लिगको टप स्कोरर समेत हुन ।

भुवन कामी (डिफेन्डर)
सात वर्षको उमेरमा बिजुलीको ट्रान्सफर्मरमा परेर दोस्रो जीवन पाएका भुवनको बाल्यकालदुखै दुखमा बितेको छ । हेटौडा–१० भुटनदेवी रोड बस्ने भुवन पनि विगत तीन वर्ष देखी एन्फाको युथ परियोजना अन्तर्गत त्रिभुवन आर्मी युथ एकेडेमीमा रहेर प्रशिक्षण गरिरहेको खेलाडी हुन् । उनी सैनिक स्कुलमा कक्षा ८मा अध्ययन गर्छन । उनी सानै देखी फुटबलमा रुची राख्थे । उनले स्कुल लेभलको प्रतिष्ठित प्रतियोगिता सैनीक कपका इर्मजिङ खेलाडीको उपाधी जितेका थिए ।

Leave a Reply

Your email address will not be published. Required fields are marked *

सम्बन्धित खबर

Back to top button