९१ जनाको पाठेघरको परीक्षण

हेटौंडा, लायन्स क्लव अफ हेटौंडा पाथिभरा गोल्डले आयोजना गरेको निशुल्क पाठेघर परीक्षण शिविरमा ९१ जनाले सेवा लिएका छन् ।

ADVERTISEMENT

लायन्स क्लव अफ हेटौंडा पाथिभरा गोल्डको आयोजना तथा नेपाल परिवार नियोजन संघको कार्यालयमा बुधबार निःशुल्क पाठेघरको मुखको क्यान्सर परीक्षण शिविर भएको हो । शिविरमा ९१ जनाले सेवा लिएको जानकारी दिइएको छ ।

शिविरका सहभागीलाई स्वास्थ्य जाँचसँगै निःशुल्क औषधि समेत वितरण गरिएको थियो । परीक्षण गराएकामध्ये ९ जना महिलामा समस्या देखिएको छ । समस्या देखिएका महिलालाई थप उपचारको सुविधा समेत प्रदान गरिने आयोजक लायन्स क्लब अफ हेटौँडा पाथिभरा गोल्डका अध्यक्ष अप्सरा मानन्धरले जानकारी दिइन् । शिविरमा वरिष्ठ स्टाफ नर्स ममिता श्रेष्ठले स्वास्थ्य जाँच गरेकी थिइन् ।