हेटौंडा, सरकारले शिवालय बिल्डर्स प्रालि मकवानपुरलाई कालो सुचिमा राखेको छ । औद्योगिक व्यवस्थापन लिमिटेड र हेटौंडा औद्योगिक क्षेत्र व्यवस्थापन कार्यालय पशुपतिनगरले पठाएको पत्र अनुसार प्रधानमन्त्री तथा मन्त्रिपरिषद् कार्यालय अन्तर्गतको सार्वजनिक खरिद अनुगमन कार्यालयले कालो सुचिमा राखेको हो ।
ADVERTISEMENT
कार्यालयले आज निकालेको सार्वजनिक सूचना अनुसार शिवालय बिल्डर्स प्रालिलाई दुई बर्षको अवधिका लागि कालो सुचिमा राखेको छ । कालो सूचीमा परेको शिवालय बिल्डर्सले भदौ १९ गतेदेखि कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नपाउने जनाइएको छ ।
कार्यालयले मंगलबार सार्वजनिक गरेको सुचनामा शिवालय बिल्डर्स सहित १३ कम्पनी कालो सुचिमा छन् । तीन निर्माण कम्पनीलाई २ वर्ष, दुई निर्माण कम्पनीलाई २ वर्ष, एक निर्माण कम्पनीलाई डेढ वर्ष र अन्य ७ निर्माण कम्पनीलाई एक वर्षसम्मका लागि कालो सूचीमा राखिएको छ ।
